II Xornadas Tecnicas :: MaisCompostela

Claves para a innovación na orientación profesional e laboral nun mundo globalizado

Na actualidade, as tendencias que se están experimentando nos sistemas de orientación e intermediación laboral, baseados tradicionalmente na súa forte distinción entre grupos de usuarios/as, niveis de servizo e funcións, caracterízanse polo paso da separación de servizos á integración e á descompartimentación; dos servizos estándar para todas/os aos servizos personalizados; da intervención nas fases de tránsito á orientación ao longo da vida; da orientación cara a un único perfil profesional á pluralidade de competencias; da referencia ao mercado local ao mercado de traballo globalizado; da especialización profesional por categorías de usuarias/os á especialización profesional por procesos.

A permanente evolución dos servizos de orientación e intermediación laboral son unha mostra de que cada vez estes xogan unha maior importancia nas políticas de emprego. É importante, por tanto, abrir espazos de debate sobre o proceso de innovación na orientación, interesante non só para obter información para mellorar as nosas prácticas, senón para implicarnos en posíbeis espazos de cooperación e experimentación.

A finalidade destas II Xornadas técnicas sobre os programas experimentais de inserción laboral é a de propiciar un espazo de encontro ediálogo, entre diferentes axentes que interveñen na orientación laboral e profesional, que nos axuden a definir aspautas a seguir para innovar na prestación dos servizos de orientación e intermediación laboral, especialmente, a partir das prácticas xeradas nos proxectos experimentais de emprego.

E implica buscar un novo enfoque edialogar, entre outros asuntos,sobre:

Innovación no proceso orientador
Como buscar o xeito de reorientarse cara ás necesidades expresadas polos individuos. Como cubrir, de maneira integrada, as dimensións formais, non formais e informais da formación, así como a acción intermediadora e todo o resto de aspectos socioprofisionais e de desenvolvemento das e dos cidadáns.

Innovación na intermediación laboral
Como buscar o xeito de lograr unha intermediación laboral efectiva, que permita levar a caboprocesos de captación activa de ofertas de emprego coas empresas da cidade e realizar aestudos de dispoñibilidade e adecuación aos postos de traballo dos e daspotenciais candidatos desempregados.

Innovación na coordinación de axentes orientadores
Como buscar o xeito de que os servizos de orientación e intermediación laboral estean apoiados nunha estreita cooperación mediante redes“informais” locais, entre as estruturas existentes de orientación e intermediación e o resto de estruturas que interveñen na integración socioprofesional e a reintegración das persoas en desemprego.

Innovación na inserción laboral nun mercado globalizado.
Como buscar o xeito de mellorar a empregabilidade dos usuarios e usuarias dos servizos de orientación e intermediación laboral, que lles permita evitar a incerteza e a variabilidade da demanda empresarial, nun mercado de traballo segmentadoe globalizado.

Destinatarias e destinatarios
Persoas e entidades interesadas no proceso de innovación nos servizos de orientación e intermediación laboral: orientadores/as dos ámbitos laboral e educativo, persoal técnico de emprego, titoras e titores de inserción, docentes de FOL, persoal de programas de emprego (obradoiros de emprego, escolas obradoiro, cursos de formación ocupacional, bolsas de emprego…) e estudantes da áreas profesionais relacionadas.