Incentivos a empresas de creación recente

Solicitudes e documentación

1. As solicitudes se dirixirán a Oficina de Promoción Económica dependente da Concellaría de Promoción Económica, Emprego, Comercio e Mercados, e se presentarán no Rexistro Xeral do Concello (Rúa Presidente Salvador Allende, 4- Santiago) ou por calquera dos medios previstos no artigo 38.4 da Lei 30/92 de Réxime Xurídico e Procedemento Administrativo Común, xunto coa seguinte documentación por duplicado, sendo unha delas orixinal ou fotocopia compulsada:

Escritura de constitución da sociedade mercantil ou no seu caso do documento que acredite a incorporación ao réxime de traballadores autónomos.
Alta no IAE ou no seu caso da declaración de alta no censo de obrigados tributarios.
DNI do promotor ou da persoa que ostente a representación da sociedade, e neste último caso, documento que acredite dita representación.
Facturas dos gastos subvencionables para os que se solicita a axuda. Deberán achegarse os comprobantes de pagamento.
Non se admitirán presupostos ou facturas pro forma.
Certificado bancario de existencia de conta.
Documentos acreditativos dos períodos de inscrición como demandante de emprego na oficina pública de emprego.
Informe da vida laboral na Tesouraría Xeral da Seguridade Social do promotor ou promotores.
Certificado de empadroamento no Concello de Santiago.
Certificación de estar ao corrente nos pagos coa Seguridade Social, Facenda (AEAT e Xunta de Galicia) e Concello.
Declaración de tódalas axudas solicitadas ou concedidas, durante os tres anos anteriores, polas administracións públicas competentes ou entes públicos, nacionais ou internacionais, ou de ser o caso, unha declaración de que non solicitou nin obtivo outras axudas ou subvencións.
Un plan de empresa asinado por técnico competente no que se explique a viabilidade do proxecto, detallando os aspectos técnicos de produción e comercialización, investimentos e financiamentos, conta de resultados, etc.

2. Se a solicitude non reúne os requisitos previstos no punto anterior, requirirase a o interesado para que no prazo de dez días, subsane a falta ou acompañe os documentos preceptivos, no caso contrario terase por desistido na súa petición.